Творы М. Багдановіча (1927—1928)/I/III/224

← 223. Сантымэнтальная бяседа

224. Зіяньне месяца Верш Аўтар: Поль Верлен 1927 год Арыгінальная назва: Clair de lune (1869) Пераклад: Максім Багдановіч

225. ⁂ Рака срэдзь вулкі →

Іншыя публікацыі гэтага твора: Зіяньне месяца.

Прапануем да спампаваньня!

224.

ЗІЯНЬНЕ МЕСЯЦА.

Душа твая — малюнак артыстычны:
Пад лютняў звон прыгожы масак рой
Танцуе там, адзеўшыся нязвычна,
Ў надзеі скрыць праз гэта смутак свой.

На ціхі лад усе яны сьпяваюць
Пра мір жыцьця і сьветлую любоў,
Ды веры ў шчасьце сьпевы іх ня маюць,
І з ясным сьветлам зьліты зыкі слоў,

Са сьветлам месяца прыгожа-смутным,
Ад чар чыіх на дрэвах птушкі сьняць,
І лёгкія струі у плачы чутным
Між мармураў натхненна зіхацяць.

Увагі

224. Зіяньне месяца. Перадрук з газэты „Наша Будучына“. Пераклад вершу Р. Verlaine „Clair de lune“ з разьдзелу „Fêtes galantes“.
Захаваўся верш у чыставым рукапісе (п. VI, II) і ў чарнавікох — бяз двух апошніх радкоў (IV, 8, 35).