Творы М. Багдановіча (1927—1928)/I/III/221

← 220. ⁂ Рояль цалуе тонкая рука

221. ⁂ У полі мрок Верш Аўтар: Поль Верлен 1927 год Арыгінальная назва: Dans l’interminable (1874) Пераклад: Максім Багдановіч

222. Малюнак мора →

Прапануем да спампаваньня!

221.

∗     ∗
∗

У полі мрок,
Нуда бяз краю;
Сьнег чуць блішчае,
Як той пясок.

Без прамянёў
Нябёсы з медзі.
Ах, каб угледзеў
Я месяц зноў!

Як стая хмар,
Дубняк шарэе
І ледзянее
Там, дзе папар.

Без прамянёў
Нябёсы з медзі.
Ах, каб угледзеў
Я месяц зноў!

Гурткі худых
Ваўкоў з крукамі!
Што будзе з вамі
Ад віхраў злых?

У полі мрок,
Нуда бяз краю;
Сьнег чуць блішчае,
Як той пясок.

Увагі

221. „У полі мрок“… Выдаецца з аўтографу (IV, № 6, 13). Пераклад вершу P. Verlaine „Dans l‘interminable“ з разьдзелу „Romances sans paroles“.
Чарнавы варыянт трэцяе строфы (п. IV, 6, 13):

1.		Дубы ўставаюць
		Там, дзе папар
		Як шэры пар
		Шарэй ад хмар…

У 3-м радку пакінута ўжытае аўтарам слова „блішчае“.
У 13-м радку ў слове „прамянёў“ поэтам ужыты націск на канчатку, як відаць, для захаваньня рыфмы.