Творы М. Багдановіча (1927—1928)/I/II/Згукі бацькаўшчыны/117

← 116. Досі ўжо працы

117. ⁂ Ўся ў сьлязах, дзяўчына Верш Аўтар: Максім Багдановіч 1927 год

118. ⁂ Сумна мне, а ў сэрцы смутак ціха запявае →

Іншыя публікацыі гэтага твора: Ўся ў сьлязах, дзяўчына…

Прапануем да спампаваньня!

ЗГУКІ БАЦЬКАЎШЧЫНЫ.

---

117.

∗     ∗
∗

Ўся ў сьлязах, дзяўчына
Хіліцца да тына.
Поруч з ёю, пад расою
Зіхаціць шыпшына.

Вецер павявае
І расу страхае.
Ой, напэўна і дзяўчына
Лек на сьлёзы мае.

Адгадайце-ж, людзі,
Хто страхаць іх будзе?
І чаму ён, жоўтадзюбы,
Аж дасюль марудзе?

Увагі

117. Уся ў сьлязах дзяўчына… Верш першы раз друкаваўся ў „Вянку“.