Творы М. Багдановіча (1927—1928)/I/II/Думы/160

← 159. ⁂ Сьвяча бліскучая зіяе

160. Песьняру Верш Аўтар: Максім Багдановіч 1927 год

161. Уступ →

Іншыя публікацыі гэтага твора: Песьняру (Багдановіч).

Прапануем да спампаваньня!

160.

ПЕСЬНЯРУ.

Ведай, брат малады, што ў грудзях у людзей
Сэрцы цьвёрдыя, быццам з каменьня.
Разаб’ецца аб іх слабы верш заўсягды,
Ня збудзіўшы сьвятога сумленьня.

Трэба з сталі каваць, гартаваць гібкі верш,
Абрабіць яго трэба з цярпеньнем.
Як ударыш ты ім, — ён, як звон, зазьвініць,
Брызнуць іскры з халодных каменьняў.

Увагі

160. Песьняру. Верш першы раз друкаваўся ў „Нашай Hіве“ 1910 год, № 15.