Творы М. Багдановіча (1927—1928)/I/II/Думы/157

← 156. ⁂ Мудрай прамовы

157. ⁂ Дзе вы, лясоў, палёў цьвяты Верш Аўтар: Максім Багдановіч 1927 год

158. ⁂ Калі ў ракавіну цёмную жамчужніцы →

Іншыя публікацыі гэтага твора: Дзе вы, лясоў, палёў цьвяты…

Прапануем да спампаваньня!

157.

∗     ∗
∗

Дзе вы, лясоў, палёў цьвяты?
Вас холад загубіў!
Чаму-ж ён срэбныя цьвяты
На гэтым шкле ўзрасьціў?

Ім, бледным, мёртвым, ня збудзіць
Былога пачуцьця,
Як не змагу яго збудзіць
Халодным вершам я.

Увагі

157. Дзе вы, лясоў, палёў цьвяты? Верш першы раз друкаваўся ў „Нашай Ніве“ 1911 год, № 49.

Варыянт аўтографу (п. № 1, № 5, ст. 3) і „Нашай Нівы“: 2 „мароз (іх) вас загубіў“.