Творы М. Багдановіча (1927—1928)/I/I/66

← 65. ⁂ Сярод вуліцы у нас карагод

65. ⁂ У мясьцечку Церасьцечку не званы гудзяць Верш Аўтар: Максім Багдановіч 1927 год

67. ⁂ Цёмнай ноччу лучына дагарала →

Іншыя публікацыі гэтага твора: У мясьцечку Церасьцечку не званы гудзяць…

Прапануем да спампаваньня!

66.

∗     ∗
∗

У мясьцечку Церасьцечку не званы гудзяць,
Не званы гудзяць — навіну чуваць,
Што знайшлі сёньня Янку стральца
У зялёненькім ельнічку,
Каля белага каменю,
На цёмным імху, меж брусьніцаю.
Галава яго прабітая,
Ўся крывёю залітая.
Гэй, сасонка над ім шуміць,
Прамаўляе, выгаварывае:
«Не ўдаваўся-бы ты, Яне, за куніцамі,
Яшчэ болей — за тымі маладзіцамі».

1915.

Увагі

66. У мясьцечку Церасьцечку… Верш друкуецца з аўтографу (XI, 7, 3). Захаваўся ён у чарнавых накідах, але даволі закончаны і таму зьмяшчаецца ў 1-ым разьдзеле. Пісьмом і стылістычнай апрацоўкаю падобны да групы аналёгічных вершаў 1915 году.