Суседзі (1932)/Усё спакойна

← Кожны раз на „эфтом самом месте“

Усё спакойна Фэльетон Аўтар: Анатоль Вольны 1932 год

Просім →

Прапануем да спампаваньня!

УСЕ СПАКОЙНА.

Усё спакойна.

Год усёроўна мае 365 дзён

Высакосны 366.

Зямля ўсяроўна круціцца…

І нашыя беларускія поштавікі — ўсёроўна ня ведаюць ні беларускай мовы, ні тых якія па констытуцыі яны павінны ведаць.

Дзесяць разоў з часу Кастрычнікавай рэволюцыі зямля, па чутках, перакруцілася вакол сонца, а нашыя паштавікі ўсё яшчэ не паспелі некалькі крокаў зрабіць у напрамку выкананьня нашай нацыянальнай політыкі.

Адным словам, круціліся з зямлёю, — ня было.

Я ўжо пісаў некалі пра нашую пошту, праўда кажучы, думаў, што праклятая спадчына вялікадзяржаўнага шовінізму на пошту больш ня вернецца.

Вярнулася, — трасца ёй!..

І было гэтак.

Трымалі на пошце гэтымі днямі паперку. Пісана яна была па-яўрэйску,

Вы бачылі, зноў нейкі яўрэй піша, — заўважыў адзін з паштавікоў. І па-яўрэйску — дадаў пабялеўшымі вуснамі, разглядзеўшы паперку.

лі!..

Пасьля невялікай нарады з іншымі паштавікамі ліст быў зьвернуты адрасату з наступным надпісам:

„Возвращается редакции газеты „Дэр“ для перевода на русский язык г. Минск“.

Словам, зьвярнулі ліст і…

Зноў усё спакойна.

Год зноў мае 365 дзён.

Высакосны 366.

І „кожны раз на эфтым самым месцы“, як кажа прыказка.

Скончыў фэльетон гэтак:

На пошце была адна чыстка. Дык вось, я б адну зрабіў…

Было б гэта, як той казаў, хаця ж і ня ў яму, дык затое здорава.

■