Суседзі (1932)/Толькі і ўсяго

← Гуморыстыя з Магілева

Толькі і ўсяго Фэльетон Аўтар: Анатоль Вольны 1932 год

„Чаго яна ящо хотіт“ →

Прапануем да спампаваньня!

ТОЛЬКІ І ЎСЯГО?

Цяпер, нічога!..

Цяпер, дзякуй богу, пранясло!

А раней палохалі:

— Небясьпечны, казалі, народ, савнархозцы… Не пасьпееце, казалі, вы і глянуць на іх, як яны ўжо пачнуць выцягваць з сваёй кішэні даведкі, альбо справаздачу пачнуць рабіць…

Але цяпер — нічога!

Цяпер, дзякуй богу, пранясло!

Бо, назаметку ў газэце аб пудовых справаздачах Савнархозу, ён толькі і адказаў, што двума даведкамі ды адносінай.

А нас палохалі!

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Якія гэта былі пудовыя справаздачы, аб якіх пісалася ў „Савецкай Беларусі“ — я ня чытаў, спадзяюся, што не падобны на ўсе іншыя справаздачы, якіх я таксама ня чытаў. Але з адносіны і даведак Савнархозу відаць, што „посылка багажем, с названной отчетностью ВСНХ весила всего лишь 3 пуд. 5 фунтов!“

Толькі і ўсяго?

3 пуды 5 фунтаў!

На аднаго каня ды павёз!

2 чалавекі, ды і пацягнулі!

І газэта назвала гэтую справаздачу вялікай?

Сумна, таварышы з Савнархозу! За газэту сумна!

Праз тое, што ня ведае яна апарату.

Ды другія-б на нашым месцы, таварышы з Савнархозу, маглі-б справаздачу пудоў гэтак у 60 даць…

Меў рацыю, па-мойму, той справавод з Савнархозу, які, прачытаўшы заметку ў „Савецкай Беларусі“ з пажаданьнем зьмяншэньня ліку пудоў справаздач, пахмурна ўсьміхнуўся і сказаў:

— Не карыстаючыся славай, разумеецца, прапаведваюць скромнасьць!

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Калісьці адзін пісьменьнік пра Батховэна сказаў гэтак: „Каб пазбавіўся Бэтховэн рук, — ён усёроўна астаўся б композытарам і музыкай“; мне ў сваю чаргу здаецца цяпер так, — каб пазбавіўся добры справавод галавы, ён усёроўна астаўся б добрым справаводам.

Вось чаму я абараняю справаводаў, але адначасова я зьвяртаюся і да начальства:

— Таварышы начальнікі!.. Я сам ня ведаю як гэта зрабіць, але ці ня можна было-б, каб як-небудзь менш важылі справаздачы?

■