Гэта старонка не была вычытаная
Ці ня быў ты у Цацэлі
Або ў Тэклі ці ў Марцэлі,
Або можа у Югалі?
Дзе чарты цябе ганялі?
— Ой, кума! нашто той глум, —
Джургануў чупрыну кум, —
Такіх краль нідзе няма,
Як ты, мілая кума.
Да цябе я бег, сьпяшаўся,
Ды мой лапаць разьвязаўся.
Не зьвязаў-бы я абору,
Ды мне бог паслаў Тадору.
Ой, Тадора! ой, кума!
Задушыла-б вас чума!
Ці-ж ня глум над нашым братам —
Узвадзіць паклёп дарма?“
— Малайцы, Базыль з Кандратам! —
Загрымела ўся карчма
III
Але ў самы разгар скокаў
Шусь у карчму з кіем поп!
Ня спускаў ён „стада“ з вока,
Настаўляў яго на троп.
А за ім сінкліт царкоўны:
Дзяк і стараста, званар…
Строгі бацька быў духоўны,
Ня любіў чартоўскіх чар!
