Apošnija słowy
I ton hałaśliwy
Ŭ prastory ŭtanuli;
Schiliŭšy hałowy
Da domu ščaśliwy
Ludcy jści šuhnuli.
|}
|
Z wiasnoj pryšło da nas ciapło,
Radzieje ŭsia ziamla:
Zaćwiŭ muroh, ukryŭšy łoh
Zialenicca ralla.
Pach świežy z dreŭ čuwać i śpieŭ,
Ptušyny ciešyć nas;
Mihcić matyl, kamar i hil
Zwiniać ŭ paŭdzionny čas.
U bieli sad pasłuchać rad
Swist-ščebiet sałaŭja,
Što cicha sieŭ u huščy dreŭ,
Miž inšaha ptušja.
Pčała z wulloŭ u prastor paloŭ
Puščaje nowy roj,
Rupny pčalnik k wullom prynik
Z siawieninaj staroj.
Čabor, ramon miažu, zahon
Ukwiecili wiankom,
A zbažyna žyćciom pjana
Bruniaje kałaskom.
Pach wasilkoŭ pčału, čmialkoŭ
Prywabiŭ brać miadok,
Z haračyni u huścini
Schawacca ŭ chaładok.
|
