Гэта старонка не была вычытаная
С-пад пня выбег заяц
І ў гушчу пабег, -
А гэткі быў белы,
Як вапна, як сьнег.
Лізнула гадзюка
Хвастом каля ног,
Пабегла і недзе
Схавалася ў мох.
Ах, болей хадзіць, так
Блудзіць не магу!..
І сон не астаўся
Сабой у даўгу.
Пара атпачыці,
Дыхнуці пара,
Хутчэй мо' на небе
Узойдзе зара.
(Садзіцца на кургане).
Ах, як тут выгодна! -
Узгор, як пакой -
Мох, лісьця, чарнобель, -
Лес над галавой.
Ах, ах, як-жэ слаўна
Тут можна заснуць!
(Прыслуховаецца).
А ўсё нейкі шорах
Як чуць, так і чуць...
(Відам салавее).
Ох, муцяцца думкі,
Павекі - як звон!..
