Гэта старонка была вычытаная
Каб другі раз ня йсьці,
Перайшоў ужо дзе.
Усе тры, (разам).
Прыдзе, прыдзе сюды,
Хоць-бы млеў, хоць-бы чэз,
І засьне, ах засьне,
Як-бы ноч, як-бы лес.
1-я русалка.
Стойце! чую трэск я.
2-я русалка.
Ўжо ідзе.
3-я русалка.
Ах, як кот!
Усе тры, (разам).
А цяпер хто куды!
Песьні ў ход! чары ў ход!
(Разбегаюцца, толькі у паблізасьці чуваць с трох старон іхні хохат і — «гу-ля-ля, гу-та-та»).
Сам, (змучыуся, чуць ідзе).
Ўжо змогся саўсім я,
Змагла мяне цьма,
А сьцежкі-пуцінкі
Німа, як німа!
Спаткаў і ваўка ўжо —
Зуб ляскаў аб зуб;
Сава праляцела
І села на дуб.