Kab rassypaŭsia,
Kab daǔ hałasok
Až zachlipaŭsia!
Kab pačuŭ usiak,
Dy kab litaść mieǔ!
Kab ćwiordy razmiak,
Kab miakki až mleǔ!
Och, kab mnie toj smyk,
Kab na sercach hraŭ, —
Z radasciaj by znik,
Aby holas dau!……
Pieśni:
I. Udawa.
Šumić z horki ručajočak,
Bryzhi raskidaje, —
Plače ŭdawa siarod nočak,
Wočki wyciraje.
Oj markotnaja, lichaja
Dola sirot-dzietak,
Ale horšaja ŭdawaja,
Jak tych małaletak.
Oj zaznajuć hora, licha,
Praktyki i ździekaǔ;
Buduć płakać hetak cicha,
Płakać pawiek-wiekaŭ.
Pawiek-wiekaŭ ručajočak
Bryzhi raskidaje,
Pawiek ǔdoŭka siarod nočak
Wočki wyciraje.
II. Hore.
Kab mnie hołas dobry mieć,
Kab mie hore kudy dzieć,
Kab že hore Boh nie daǔ,
Jab wiasioła zaśpiewaŭ:
Oj hore-ž majo!
Skłaŭ ja hore u akłunak,
Skłaŭ biadu swaju frasunak,
Kinuŭ ŭ rečku až da dna, —
Pryjšło hore, jak što dnia.
Oj hore-ž majo!
