„Ziamlakóŭ wučyć stánie. Woś, chitraści póŭny,
„Wýdumali prancuzý što ŭsie lŭdzie róŭny.
„Dziwa! — tož stajić ab tom ŭ Bóžym prykazánni,
„I ksiandzy wiaściáć ab tom na ŭsiákam kazáńni!..
„Nawuka dáŭna, tólka słuchać Kab achwóta,
„Da býccam na ŭsich páła kurýnna slapóta:
„Što tólki ŭ prancuzkam piśmié nia stajáła,
„Choć dziéła najstaréjša, wiéry nia jimáła.
„Wiaściŭ Padčášyc róŭnaść ludziám, — sam nazwaŭsia
„Markizam, — baš čyn taki u módzie kazáŭsia,
„Jákže z letámi čyný wýhnali s Parýža,
„Jon čaławiékam wołnym chrysciŭsia z Markiža.
„Dálej za Napalónam, ŭsiomahŭčym pánam,[1]
„Iz zamorja pryjéchaŭ jakimści Baranam,[2]
„Kab pažýŭ bolš na świecie, Baranab čuráŭsia,
„I wołnym čaławiékam znoŭ achwótnab zwáŭsia.
„Báčyš tórham na módy u zamórji žýli,
„A što prancŭz uzdumaŭ, palaki lubíli.
„Dziákuj Bóhu, što prašłá ŭ nášaj maładziežy
„Achwóta lótać za dom pa módny adziéžy,
„I čužóha parádka ŭ kupcóŭ dabiwácca,
„I pa šynkoch zamórśkaj mówy nawučácca.
„Báčyš ciapiér Napalon, jak ná licha, skóry,
„Nia dajé čásu hnácca pa módny uzóry;
„Ciapiér wajawáć móda! — a nam siercá bjucca,
„Što iznóŭ ab palakách hutarki niasucca.
- ↑ Napalón, — byŭ to mahŭčy Car prancuski. Jon u dwanádcatam hadu z wialíkaju síłaj šoŭ na Maskwu, da baš ćwiórdaja zimá pamaraziła tu siłu, ledź jakajáś złýdnia wiarnŭłasia damóŭ.
- ↑ Markíz, Barón, ― to čyný zamórskija prancuzóŭ i niémcaŭ. Daŭniéj niékatoryje iz nášych panóŭ, májučy bolš hrašéj, jak rózumu, jéździli zá mora, kab kupláć hétyje čyný, da i ciapiér, na biadu nášu, čásam róbiać to kiépstwa.
