ПАНСКАЯ ЛАСКА
За вашу ласку панскую, Палітыку шатанскую Мы дзякуем, паны. „Дабра“ зрабілі многа вы, Залезшы ў наша логава, Пабраўшы бізуны.
Наслалі нам асаднікаў, Жандараў і вураднікаў І іншае брыды — Кунтушыкаў, каптурыкаў І Антэкаў-мазурыкаў Наперлі нам сюды,
Каб гэтыя дабродзеі Вам польскасць тут праводзілі На панскія лады. І польскасць там праводзіцца. На ўвесь наш край смуродзіцца. Ксяндзоўская мана.
