Kab heta ŭsio lepš uciamić, dyk woś my i padumajem ab Bohu:
1. Što, kaho nazywajem Boham?
2. Ci Boh jość?
3. Jak raźwiazwać tyja trudnaści, katoryja mučać čaławieka, kali jon nia ŭmieje pahadzić žyćcia z Boham?
I. ŠTO ABAZNAČAJE PANIAĆCIE BOH?
Kab spraŭniej razabracca ŭ hetym pytańni, katoraje abyjmaje tak wializny materjal, razabjom usio heta na try adzieły:
a) narodnaje paniaćcie Boha,
b) nawukowaje paniaćcie Boha,
c) chryścijanskaje paniaćcie Boha.
a) Narodnaje, popularnaje paniaćcie Boha.
Kab dawiedacca, što ŭsie narody pad imiem Boha razumieli, treba było-b iści ŭzdoŭž (u historyju) i ŭšyr (u gieografiju) pa świecie i pytacca ŭsich, jak rožnyja plamiony, narody Boha nazywajuć i jak jaho razumiejuć, jakija jany robiać padabienstwy i što hetym chočuć wyrazić. Ale heta niemahčyma, dyj niepatrebna. Chopić nam dla našaj mety paznać u najbolej wiedamych narodaŭ nazowy Boha i sposaby zmysłowaha pradstaŭlańnia Boha.
Pačniem ad našaha sławianskaha słowa Boh. Što jano znača? Boh — znača bahaty. Bahaty — ŭ najciaśniejšym sensie aznačaje taho, chto maje mnoha hrošaj. Majučy mnoha hrošaj, moža ŭsio zdabyć; znača, bahaty toj, katoramu ŭsiaho chwataje. U sensie najabšyrniejšym słowa — niama ni-
