Гэта старонка не была вычытаная
Запрадаў бы я цябе -
Ніхто не купляець.
А каля лугу, лугу
Маладзюсенькі ходзіць,
Сырое дуб’ё ломіць,
Пра сваю маладосць мовіць:
— Маладосць мая, буйнасць,
Прыкупіў бы я цябе -
Ніхто не прадаець.
94. ЦЯЧЭЦЬ РЭЧКА, ЦЯЧЭЦЬ РЭЧКА ЖАДУНАЧКА
Цячэць рэчка, цячэць рэчка Жадуначка
З вішнёвага саду[1],
Крычыць парань, крычыць парань на дзевачку
К сабе на параду:
— Парадзь, парадзь парадачку,
Як роднаму брату,
Ці цяпера мне жаніцца,
Ці восені ждаці?
— Ці я табе, бел малойчык,
Тады не казала,
Як я ад цябе, маладога,
Гасцінчыкі брала?
Што першы гасцінчычак -
Залаты пярсцёнак,
А другі гасцінчычак -
Кралічак шнурочак,
А трэці жа гасцінчычак -
Шаўковы платочак.
- ↑ Кожны другі радок паўтараецца.