Гэта старонка не была вычытаная
Хадзіла тройца каля аконца[1].
Я ж, маладзенькая, не выспалася,
На таргу была, торгу слухала.
А хто ж дораг, а хто ж дзешаў?
За дзевак тысячы даюць,
А хлопчыкаў дарма не бяруць.
249. Дзеўкі ў луг ішлі
Дзеўкі ў луг ішлі,
Сто рублей найшлі.
Ай, люлі, люлі,
Сто рублей найшлі.
Дзеўкі з лугу йшлі,
Пяцьдзесят знайшлі,
Ай, люлі, люлі,
Пяцьдзесят знайшлі.
Мы куміліся,
Не сварыліся,
Ай, люлі, люлі,
Не сварыліся.
Раскуміліся
Й пасварыліся,
Ай, люлі, люлі,
Пасварыліся.
250. Ай, не радуйся, зялён дуб
Ай, не радуйся, зялён дуб,
Ай, не радуйся, зялёны,
Не к табе ідзём вянкі развіваць,
Не к табе ідзём вянкі развіваць.
Ай, узрадуйся, бяроза,
Ай, узрадуйся, белая,
Мы к табе ідзём вянкі развіваюць,
Мы к табе ідзём вянкі развіваць.
- ↑ У пачатку і канцы кожнага радка пяецца прыпеў «Божа ж мой».
