Гэта старонка не была вычытаная
Малоданькі, малоданькі
Убраны былі,
Красны дзеўкі замуж пашлі.
90. Вясна красна па зарэччу йшла
Вясна красна па зарэччу йшла,
А малым дзеткам па яечку нясла,
А старым бабкам па кіёчку,
Маладым жонкам па сыночку,
А дзевачкам па вяночку нясла,
А хлопчыкам ды па коніку.
А малым дзеткам пагуляціся,
Старым бабкам падпіраціся,
Маладым жонкам уцяшаціся,
А дзевачкам павянчаціся,
А хлопчыкам наязджаціся.
91. Вясна красна, што прынесла?
ВЫЯВА
- Вясна красна, што прынесла[1]?
- Старым бабачкам па кіёчку,
Маладым паначкам па сыночку,
А красным дзевачкам па вяночку.
Старым бабачкам папірацца,
Маладым паначкам забаўляцца,
А красным дзевачкам павянчацца.
- ↑ Кожны радок паўтараецца.
