leńnie temaju lekcyi, prykładam u formie abrazkoŭ, mahičnaje latarni í h. d.
Ad čytajučaha lekcyi takija majem dawoli wialikija wymohi. Taki čaławiek, kab moh zacikawić słuchačoŭ, kab moh pakinuć bolšyja śledamki ŭ halinie rozumu j pačućcia, treba kab mieŭ zdolnaść krasamoŭčuju. Nia treba na heta wialikaha aratara. Časta dobry aratar nia ŭmieje paciahnuć za saboju ludziej, dziela taho, što nia wiedaje, jak zakranuć toje, što najwažniejšaje, što najhłybiej siadzić u dušy j sercy čaławieka. Drenna padhatawany prelehent abo wykliča krytyku, abo znieachwocić ludziej da hetakaje pracy na budučynu.
Na‘t jość pahlady, što praca ŭ formie lekcyjaŭ mała karysnaja, što jana lišnie pawiarchoŭnaja. Adnak nia zusim prawilna. Karyści na‘t adnaje lekcyi nadta wialikija. Lekcyi najlahčej dastupnyja, nia treba na ich wialikich koštaŭ. Adzin prelehent moža absłužyć bolšuju terytoruju. Čaławiek, nia prywykšy da natuhi intelektualnaje, umiecimie na hadzinu adnu druhuju pryłamacca, kab chacia pačatna pryniać nowyja dumki, dziela jaho idei, wiestki. Heta moža jaho raskałychać, razhornie jahonuju dušu da samastojnaje pracy ŭ budučynie.
III. Narodnyja uniwersytety.
Nazoŭ narodnaha uniwersytetu chawaje ŭ sabie wielmi roznajaki źmiest. Ahułam narodnym uniwersytetam zawuć roznyja formy aświetnaje pracy, u ramach henaje ŭstanowy ładziać kursy dla analfabetaŭ, wiaduć lekcyi na wielmi wysokim roŭni. Wiaduć lekcyi systematyčnyja, kursy pradmietaŭ paasobnych, prykładam kursy rodnaje mowy, kurs matematyki i h. d.
IV—VI. Papularnyja uniwersytety.
Časta pa haradoch isnujuć h. zw. papularnyja uniwersytety, dzie jduć u światočnyja dni hetkija
