I. Kursy dziela darosłych.
Tutaka najwažniejšaja meta nawučyć darosłych čytać i pisać. Kožny wiedaje siańnia wialikuju patrebu j nieabchodnaść umiectwa samomu pračytać. Wažnaja heta sprawa chacia-b dziela tolki praktyčnych miarkawańniaŭ.
Samatužna možna wielmi šmat u henaj halinie zrabić. Kožny hramatny moža nawučyć swajho susieda ci znajomaha prostym chatnim sposabam. Mahčyma heta ŭsiudy i zaŭsiody, asabliwa doŭhimi, zimowymi wiečarami. Ujawim sabie tolki heny pryhožy abrazok. Nadworje mokraje, chałodnaje, u chacie kala stała siadzić mužčyna dy pry dapamozie kuma, znajomaha ci na‘t syna imkniecca razhadać tajnicy, schawanyja ŭ knižcy…
Pracu takuju lahčej rabić arhanizawanym spobam u ramach taje ci inšaje z isnujučych arhanizacyjaŭ. Treba było-b, kab henyja arhanizacyi parupilisia wydać adpawiednyja instrukcyi, kab wyklikali patrebnuju atmasferu, kab zaachwocili, kab adnym słowam pawiali źwierchu henuju akcyju.
Miž inšym karyść hetkaje pracy jašče ŭ tym, što jana miłaja, adnej i druhoj staranie pakidaje pa sabie toje asabliwaje siabroŭstwa pamiž „wučniem“ i „wučycielem“, što z henych časowych adnosinaŭ astajucca ślady i mahčymaści dziela dalejšaje supolnaje pracy hramadzkaje i kulturnaje.
II. Lekcyi ŭ cyklach.
Forma pracy aświetnaje zdajecca najbolš prostaja i najlahčejšaja. Čytać lekcyi moža čaławiek zdalok, moža zaŭsiody jon prywiaźci z saboju pryłady palahčajučyja i wyklikajučyja bolšaje zacikaŭ-
