ci inšyja lekcyi. Z metaju spałučyć miłaje z karysnym na hetkim uniwersytecie ładziacca supolnyja hulni tawaryskija, z tym, kab z hulniaŭ astałasia niejkaja bolšaja karyść. Z hetakich hulniaŭ nadta časta mohuć pačacca arkiestry, chory i h. d. Biazumoŭna, hulnia nadta patrebnaja, jaje nia možna nikoli wykinuć z prahramy kulturnaje akcyi. Sprawa tolki ŭ tym, kab usieńka na hulni nia končyłasia, kab tutaka byŭ pačatak šyrejšaha hramadzkaha žyćcia.
Narod, asabliwa moładź, zaachwociŭšysia da supolnaje pracy, prywučajecca da bolš systematyčnaje pracy. Wiedama, što z hetkich kursaŭ pačynalisia rehularnyja kursy haspadarčyja ci inšyja. U takoj pracy patrebny ŭžo plan, kab wykarystać naležna ŭsie mahčymaści ŭ daŭžejšym praciahu času.
VII. Letnija kursy.
Wielmi papularnyja siarod žycharoŭ wialikich haradoŭ. Ludzi sabirajucca supolna prawieści adzin dzień i tolki, ci na't daŭžejšy čas, i tam u hramadzie namiačajuć plan pracy, kab skarystać i na zdaroŭi i na dušy. Jasna, henyja letnija kursy mahčymyja j na wioscy. Patrebnaja tolki dumka, świedamy padychod, rupliwaść nakirowanaja ŭ henuju staranu. Wioska maje stolki žyćciowa wažnych temaŭ, što, i ŭletku paśla taho, jak usie pamalilisia, mohuć. sabraŭšysia na niekalki hadzin, supolna papracawać
VIII. Kursy karespandencyjnyja.
Meta hetkich kursaŭ heta dać mahčymaść raskidanym daloka adzinkam, daloka ad centru, znajści krynicu i pomač u samastojnaj pracy. Hetkija kursy bačym najčaściej u suwiazi z praktyčnymi pytańniami. U našym biełaruskim žyćci bačyli my ŭžo niekalki sprobaŭ henaje pracy i jak pakazywajuć arhanizatary kursaŭ (kursy kooperatyŭnyja, pčalarskija) efekty mieli wielmi dobryja. Dla šmat
