Гэта старонка не была вычытаная
Вось і няскупа
Ўскашэліцца голь, —
Есьць штось на крупы,
А трохі на соль!
Рэшту ў сівусе
Мы ўтолім навек;
З чаркай, з Марусяй
Вясёл чалавек.
П‘ём водку, браце,
П‘ём ня быяк, —
Мей больш багацьця —
Пілі-бы ня так.
Жыва-ж, гэй, Шлёмка,
Гарэлку стаўляй,
Чаркай ды ёмкай
Ты нас надзяляй!
Весела, гучна
Час будзе ляцець,
Будзем піць дружна
І песенькі пець.
Ночка за чаркай
Пяройдзе, як стой,
Раніца ярка
Зардзіць над зямлёй.
Дымкай чырвонай
Зара замігціць,
Чарку чароўна
Сьвятло развагніць.
1906 г.
|}
