Гэта старонка не была вычытаная
КОЛЬКІ ГАСЬЦЕЙ
разам
Ціха! ўжо прышлі музыкі.
Музыкі садзяцца па левай старане ля дзьвярэй і зводзяць скрыпку з гармонікам.
З 1-ГА СТОЛІКА
Як добра, што шынкар паклікаў…
Зайграйце, толькі-ж не фальшыва —
Як судзьдзі, купленыя медзьдзю.
З 2-га СТОЛІКА
Няхай маланкай смык паедзе
А так сьвістуча, так ігрыва,
Як куля, пушчаная ў птушку.
З 3-га СТОЛІКА
Як аплявухі, рэжце звонам;
Гудзі гармошкай, як кадушкай,
Як бізуном гудзе аконам.
З 4-га СТОЛІКА
Скрыпнеце й скрыпкай і гармошкай,
А так піскуча, так прымерне,
Як тыя ў фабрыках шасьцерні.
З 5-га СТОЛІКА
Зьвінеце, йграйце п‘яна-звонка,
Як шклянкі гэтыя і фляжкі,
Каб аж забегалі мурашкі.
З 6-га СТОЛІКА
Зьвінеце, як ноч гэта звоніць, —
Як на змазоленай далоні
Зьвініць апошняя капейка.
САМ
Я чуў, шмат лет таму жалейку.
Музыкі, глушачы далейшыя словы Сама, пачынаюць іграць „Ой-ра, ой-ра“; некаторыя з гасьцей выкручваюць п‘яна ў тахт ігры за столікамі нагамі. Усе гамоняць і ў нос падпяваюць музыкам.