Гэта старонка не была вычытаная
З 1-га СТОЛІКА
З-пад храмаў лепш ідзі у людзі
Палоці грады, жаці збожжа.
З 2-га СТОЛІКА
Лепш лён ідзі часаць і прасьці,
Для голых шый лепш кашулёны.
З 3-га СТОЛІКА
Нясла-ж ты помач у няшчасьці
Ў свае радзімыя староны?
З 4-га СТОЛІКА
У муры чымся зашывацца,
Ідзі лепш к працы на прасторы.
З 5-га СТОЛІКА
Ня мур павінен храмам звацца,
А цэлы сьвет — зямелька, зоры.
З 6-га СТОЛІКА
Дзяцей ідзі лепш гадаваці,
На бітву будучую сілы.
САМ
Йдзі сонца ўсходу выглядаці
Над сваіх прадзедаў магілай.
Уваходзіць фокусьнік; мнішка з нічым выходзіць.
ФОКУСЬНІК
дастаючы з-пад палы паперыну, зложаную гармонікам. і кланяючыся гасьцям
З вашай ласкі, сызваленьня
Даць хачу вам прадстаўленьне,
Каб вас лепш ахвота брала,
Лепш шынкоўня таргавала.
Паказваючы.