Гэта старонка не была вычытаная
2-гі
падымаючы чарку
За тыя дзікія напасьці,
За нашу брацкую нязгоду,
За тых, што сьлед закрылі к шчасьцю,
А паказалі сюды ходы!
ПРЫ 6-м СТОЛІКУ
1-шы
да 2-га
Не закладай рук, як-бы ўсыпаў
У печ апошняе з аруда.
Пі, аж каб вылецелі скрыпы
З грудзей тваіх, як з кол па грудах.
2-гі
бяручы з першым чарку
За тыя збэшчаныя сілы,
Што самі, чэзнучы ў пракляцьці,
Усе з нас высматкалі жылы,
І сюды звабілі смактаці!
Уваходзяць тры дзяўчыны.
1-я
Пусьціў на вуліцу уперад.
2-я
Людзкое ўсё зьдзёр, апаганіў.
1-я
Цяпер сюды прэ, як у нерат.
3-я
На славы, долі патаптаньне.
Разыходзяцца і прысядаюць к гасьцём.