Гэта старонка не была вычытаная
3-я ДЗЯЎЧЫНА
падаючы гарэлку
Крапчэй, як вар сьлязы сірочай,
А вагнісьцей, як крыўды вочы.
У шынку ўсільваецца гоман; дзяўчаты ўвіваюцца, падаючы гасьцём то гарэлку, то піва.
ПРЫ 1-м СТОЛІКУ
1-шы
да 2-га
Пі! Што глядзіш, як-бы нясьмела?
Пі, каб аж сэрца скрыгатала!
Каб аж душа, як дым, курэла
І дымам вочы засьцілала.
2-гі
падымаючы з 1-м чаркі
За згубу лепшай, сьветлай долі,
За працьвітаньне чорных хвіляў,
За тых усіх, што мяне гналі,
Пакуль аж тут не утапілі!
ПРЫ 2-м СТОЛІКУ
1-шы
да 2-га
Сам галавы сваёй ня вешай:
Табе яе другі павесе…
Ці, каб аж процьму ўсю усьцешыў,
І ў гэтай сам струпеў пацесе.
2-гі
падымаючы чарку
За тыя плецены прылады, —
За тых, што точанаю сталяй
Былі ва ўсіх пуцях завадай,
Пакуль аж тут не прыкавалі!
