Гэта старонка не была вычытаная
3-я ДЗЯЎЧЫНА
падаючы таксама, як 1-я
Ня знаю што — а трашчэць будзе.
Уваходзяць двое.
1-шы
Прост лёдам кроў сьцялася ў жылах,
Зьледавацелі цэглай грудзі.
2-гі
Пячэ, як жаб агнём на вілах.
Садзяцца ля чацьвертага століка.
1-шы
Падай там нам! А каб хапіла,
Аж сівер каб ня змог, як трутняў.
2-гі
Каб так нутро ўсё растапіла,
Як топяць шкло у печы гутняй.
4-я ДЗЯЎЧЫНА
падаючы, як і 1-я
Хоць пад свой дом з такім падпалам.
Уваходзяць двое.
1-шы
Абвіўся гадзінай халоднай,
Упіўся ў шыю, як жыгалам.
2-гі
Як ястраб птушку рве галодны.
Садзяцца за пяты столік.
1-шы
Гэй, гэй! жывей на стол прынаду —
Зальлем атрутаю атруту.
