Гэта старонка не была вычытаная
3-я ДЗЯЎЧЫНА
Яшчэ сягоньня прычакаеш,
Хай толькі добра сьцюжа змора.
4-я ДЗЯЎЧЫНА
хмура
Як мухаў рой на мухаморы,
Зьбягуцца, фляшкамі зазвоняць;
Пакуль ахвоту ўсю спагоняць,
Пасуду высушаць бяз гора,
Табе кішэнь, як бач, напоўняць.
Чуваць топат на ганку.
ДЗЯЎЧЫНЫ
разам
А вось і госьць! Ці-ж не казалі?
Уваходзяць двое.
1-шы
Што за мароз пячэ сягоньня!
Як прыскам вочы проста смаліць.
2-гі
Ў казіны рог усіх загоне.
Садзяцца ля першага століка з левага боку.
1-шы
А ну, дзяўчынкі, ці кабеты,
Хай там шынкар чаго падсуча.
2-гі
А крэпкай так, як мароз гэты;
А як агонь — такой пякучай,
1-я ДЗЯЎЧЫНА
бярэ з буфэту дзьве чаркі, поўквартоўку, на каторую ўскладае на шыйку тры абаранкі і падае гасьцём
Няхай-жа добра вас падсмажа.
Уваходзяць двое.
