Гэта старонка не была вычытаная
ПАДРОСТАК
са скрыпкай, разглядаючы ўсіх
Ну, цяпер-то ўжо вясельле
Не такое, як мы мелі
Са сваёю маладухай.
Рэзнуць можа ім ад вуха.
Строіць скрыпку.
МУЗЫКА
усхапіўшыся
Ты дзе скрыпку ўзяў, псяюха?
Уваходзіць прыстаў, два стражнікі і куча пагарэльцаў за імі. Усе ўстаюць, сядзіць толькі сьляпая, падростак і Сам.
ПРЫСТАЎ
Что, друзья моі — нешчасьце?
КОЛЬКІ ГАЛАСОЎ
Так, так, барынька, прапасьці
Ні за грош усім нам трэба.
ПРЫСТАЎ
Ну, ну! ласкаў гасподзь з неба.
Цяпер толькі, мае брацьці,
Ў пратакол усё сьпісаці —
Як і што — я мушу тутка.
ВОЙЧЫМ МАЛАДОГА
Гэта пойдзе, барын, хутка.
ПРЫСТАЎ
садзячыся на падстаўленай яму лаўцы і дастаючы торбу з паперамі
Ну, кажэце, як было ўсё.
МАЧЫХА МАЛАДОЙ
Так пайшло, як пачалося…
