Гэта старонка не была вычытаная
НЯВЕСТКА
нагінаючыся над дзіцем
Няма чым і пакарміці:
Як спужалася, заныла
Малако ўсё.
СТАРЫ
глуха
Ўсё скасіла,
Прыскам, попелам пакрыла.
САМ
з сумнай жаласьцю ўглядаючыся на дзіцянё, каторае працягвае да яго ручачкі
Хіба ты, падросшы, дзетка,
Будзеш бацькі свайго сьведкай.
МАЛАДАЯ
уходзячы з маладым, горка ўсьміхаючыся
А цяпер вясельле справім.
МАЛАДЫ
таксама
Ежай, водкай стол заставім.
Садзяцца на старане, абняўшыся, сумныя.
СВАТ
за ім уваходзіць музыка і дружына
Прыстаў з стражнікамі едзе,
Затрымаўся толькі недзе.
МУЗЫКА і ДРУЖЫНА
разам
Кажуць, едзе на дазнаньне.
СТАРЫ
панура
Як згарэла ўсё да-званьня!