Гэта старонка не была вычытаная
МАЧЫХА
Мы ў суседавай сьвятліцы
Вас ад шлюбу выглядаем;
Гаманім сабе, чакаем…
ВОЙЧЫМ
Як вам ведама — дзе мелі
Адгуляць ваша вясельле.
ЗАКОСЬНІК
Ў вашых можна-б скруціць ногі —
Ні разгону, ні падлогі.
МАЧЫХА
А тут раптам у ваконцы
Віднюсенька, як-бы ў сонцы!
ВОЙЧЫМ
Тут у лямант бабы, дзеці.
МАЧЫХА
К сваім хатам мы ляцеці.
Ўратаваці ня прышлося.
ВОЙЧЫМ
Найперш з нашых занялося.
МАЧЫХА
Як-жа собіла ў час гэткі
Замарудзіць так вам, дзеткі?..
СВАТ
заметна манячы
Мост зламаўся, ну, праждалі,
Покі броду адшукалі.
ВОЙЧЫМ
панура
Знаем вашыя мы броды:
Гэта так у нас заўсёды.
