Гэта старонка не была вычытаная
2-я КАБЕТА
з дзіцянём ў калысцы
Чуць пасьпела, чуць з душою
Гэта выхваціць малое:
Засталася ступа, дзежка
І пасудак і адзежка.
Мой паехаў з кума братам —
Папрасіў — паехаў сватам, —
І ня бачыў, і ня ведаў,
Як гарэла ўсё да сьледу,
Мо‘-б што больш уратавалі…
Так, саўсім, саўсім прапалі…
3-я КАБЕТА
цягучы на руках ягнё
Цягнем з хаты мы ламоцьце
Зірк на хлеўчык — страху копе…
Я у хлеўчык — гнаць кароўку:
Як прывязана вяроўкай —
Ані з месца… тут авечка
З хлева ў полымя, як печку, —
Я ягнатка хваць за воўну,
А тут дыму ужо поўна…
Чуць у дзьверы, чуць папала
,
А ўжо хатка дагарала.
ЯЎРЭЙ
з багамольлем і ліхтарамі; за ім жонка яго і чацьвёра дзяцей
І стадола, і камора
Так яшчэ стаялі ўчора,
А сягоньня, як у яму,
Паваліліся і з крамай.
Да жонкі
Знаеш, чуў я ад Агаты:
Дзіцянё згарэла з хатай.