Гэта старонка не была вычытаная
ТАВАРЫШ 4-га ВІДМА
аднарукі
Як па праўдзе судзіці —
Мне належала-б плата.
А тут кажуць плаціці
За якуюсь там страту.
Руку рвучы, машына
Сапсавалася, праўда,
Але ў чым-жа я вінны,
Калі вінна прылада.
4-е ВІДМА
Ўсё да дружбы, ўсё да большай
Тваім думам збор вясёльшы.
Сядзьце роўна, жалязіста,
Мазаліста і крывіста;
Як дым гутні — так цягуча,
Як час векаў — так жывуча,
Як авечкі — гэтак дружна,
Як падмуркі — так натужна; —
Скарб ня будзе тваёй стравай:
Цемра тут закон і права!
ТАВАРЫШ 5-га ВІДМА
Так усё аплуцілі —
Не найсьці ў сьвеце сьвета,
І ў дабавак пусьцілі
На пакусу звод гэты.
Ўзялі ўсё — дам апошні:
Капля, кажуць, жалее;
Мо‘ хоць трошкі, хоць трошкі
На душы прасьвятлее.
5-е ВІДМА
Ужо з пацехай ды вясёлай
К табе йду, мой ты дзябёлы.