Гэта старонка не была вычытаная
1-я РУСАЛКА
Як ён люба злажыў
Ручкі пад галаву!
2-я РУСАЛКА
Як снапок, гэтак лёг
Тут на мох, на траву!
3-я РУСАЛКА
Сам сябе усяго
У клубочак сагнуў;
Як адпаўшы лісток,
Як нябожчык заснуў.
УСЕ ТРЫ
разам
Ха-ха-ха! як лісток,
Як нябожчык заснуў!
2-я РУСАЛКА
Цяпер сядзем пры ім,
Як тры кветкі ў вакне;
Ціха так, каб ня знаў —
Ці на яве, ці ў сьне.
1-я РУСАЛКА
І навеем яму,
Пакуль сонца зірне,
Казку долі яго.
2-я і 3-я РУСАЛКІ
разам
Што?
1-я РУСАЛКА
Сон на Кургане.