Гэта старонка не была вычытаная
І сон не астаўся
Сабой у даўгу.
Пара адпачыці,
Дыхнуці пара,
Хутчэй мо' на небе
Узойдзе зара.
Садзіцца на кургане.
Ах, як тут выгодна! —
Узгор, як пакой —
Мох, лісьце, чарнобыль, —
Лес над галавой.
Ах, ах, як-жа слаўна
Тут можна заснуць!
Прыслухоўваецца.
А ўсё нейкі шорах
Як чуць, так і чуць…
Відам салавее.
Ох, муцяцца думкі,
Павекі — як звон!..
Хацінка… сямейка…
Ах, сон, ты мой сон!..
Засыпае. Русалкі выходзяць з укрыцьця.
1-я РУСАЛКА
нагінаецца і ўглядаецца на Сама
Ах, прыгожы які!
2-я РУСАЛКА
як і першая
І які малады!
3-я РУСАЛКА
таксама
І чаго-ж, і нашто
Заблудзіў аж сюды?