Гэта старонка не была вычытаная
ПАДАРОЖНЫ
падбліжаючыся
Гэтак з песьняй, гэтак,
З верай і надзеяй
Кожны свой палетак
Хай арэ і сее!
Ці дождж залівае,
Ці вецер бушуе,
Птушка ані дбае,
Гнёзды ўе, будуе.
Ня пытаў араты
Свайго шчасьця, долі,
Што дадуць зярняты,
Кінутыя ў полі.
Гэтак з песьняй, гэтак,
З верай і надзеяй
Кожны свой палетак
Абарэ, засее!
АРАТЫ
як-бы сам да сябе
Тупы штось нарогі,
Конь ісьці ня хоча,
Млеюць рукі, ногі,
Пыл засыпаў вочы.
Ліха чуць старое —
Ломіць косьці, грудзі,
Жонка, як на тое,
З полуднем марудзіць.
Гэй, спачыньма, косю!
Люльку! закуру я,
Можа праца посьле.
Лепш памашыруе.