Гэта старонка не была вычытаная
МАТКА
падыходзячы
Што ня весел так, сынулька
Мой-жа ты?
Табе кланяўся татулька
І браты.
Гавары-ж ты мне, мой мілы,
Родны мой,
Як там служба, як там сіла,
Як з ядой?
Ці кусочак калі ласы
Паднясуць?
Ці ня крыўдзяць калі часам,
Ці ня б‘юць?
Калі-ж прыдзе тое сьвятка
З ласкай тэй,
Не растанешся ты з хаткай
Са сваей?
ПАСТУШОК
Як у служкі сходзяць леты —
Ў пастуха,
Пытай маці птушкі гэтай —
Канюха.
Запытайся гэтай хмары —
Гэтых сьлёз,
Гэтай кветкі на папары —
Гэтых лоз.
Гэтай грушы сярод поля
І балот:
Яны ўсе аб маёй долі
Вядуць шчот.