Гэта старонка не была вычытаная
Так калышамся мы
Ад куста да куста…
Гу-та-та, гу-ля-ля!
Гу-ля-ля, гу-та-та!
Чуваць затрашчалі сухія сукі ад нечыіх ног
1-я РУСАЛКА
Ці вы чулі, ці не?
Штось трашчыць каля нас.
2-я РУСАЛКА
Чула таксама я,
Вось напроці, якраз.
3-я РУСАЛКА
Пэўна, воўк ці мядзьведзь,
Бо хто-ж гэтай парой?..
Як вядома, хадзіць
Яны любяць сюдой.
1-я РУСАЛКА
Стукат толькі дзьвюх ног.
2-я РУСАЛКА
Ну, і што-ж там за дзіў:
У госьці к нам чалавек,
Ня інакш, заблудзіў.
УСЕ ТРЫ
разам
Чалавек, чалавек!
Не здарма пелі мы.
А цяпер хто куды,
Як начніцы, як сны.
Адчэпліваюцца і разьбягаюцца.