Гэта старонка была вычытаная
Новы пан прыехаў
І зьмяніў парадкі:
Загадалі Юрцы
Выбірацца з хаткі.
А ці-ж лёгка гэта?
Дый хто з вас ня знае,
Як наш брат к зямельцы
Быццам прырастае.
З дзеда і на ўнука
Гэта пераходзіць,
Хаця тое поле
Родзіць ці ня родзіць.
Бедны Юрка, бедны!
Зьвяў як-бы націна.
Шкода столькі працы,
Страшна цяганіна!
І пашоў ён рады
Па судох шукаці;
І прапаў спакой з ёй,
Прапала багацьце.
IV
Год, другі праходзіць,
Суд ідзе па судзе;
Юрка ўсё бяднее,
Багацеюць людзі.
Дзе той спрыт падзеўся,
Дзе тое здароўе?
Ў хаце непарадкі,
Проста безгалоўе.
Тут-жа суд апошні
І пастанаўленьне:
Заплаціць расходы —
І на высяленьне!
А было ўжо лета
На зямлі шырокай;
Сёмуха мінула,
Пётра недалёка;
