ГЛАВА кв
И отповедаючи Исусъ, засе рекъ имъ, в подобеньствах, мовечи: Приподобилосе королевъство небесное чоловеку королю, которий учинилъ свадьбу сыну своему. И послалъ челядники свои призвати званых на свадьбу, и не хотели прийти. Засе послалъ иные чѣлядники мовечи, речите званымъ, ото обедъ мой зготоваломъ, быки мои и укормленое побито, и все готово, прийдите на свадьбу. Лечъ они не дбаючи, отышли, иншии пред се на ролью свою, а иншии до купецъства своего. А иные поймавши чѣлядниковъ его, зольжили ихъ, и позабивали ихъ. И услышавши король тотъ розгневалъсе, и пославши войска свои и выгубилъ забойцы оные, и городы их зажог. Тогды мовилъ челядникомъ своим: свадьба исьте готова есть, лечъ званые не были годны. Идите прото на збежища дорогъ, и которих кольвекъ найдете, призовите на свадьбу. И вышодши челядники оные на ростани, собрали всихъ, которихъ нашъли, и лихихъ и добрихъ, и наполниласе свадьба седячими. А вшодъши король видети седячихъ, увиделъ тамъ чоловека необолочоного въ оденье свадебное.
И мовилъ ему, друже, яко ввошолось сюды не маючи оденья свадебного, а онъ замолкъ.
Тогды рек король слугам, звязавши ему руки и ноги, озьмите его, и вкиньте в темносьть внутреннюю, тамъ будеть плачъ и скригитанье зубомъ.
