Старонка:Шчаслівая дарога (1935).pdf/41

— Малады яшчэ, зялёны,
А таму з такім разгонам
Бег, каб глупства нарабіць?
Ой, як трэба вас вучыць!

Падпаліць адзін фальварак
І гатова! Гэта мары,
Гэта толькі лятуценне,
А не бой за вызваленне.

Згуртаваўшы сілы разам,
Трэба ўсім паўстаць, адразу.
B тады ўжо скінуць з карку
Ўсе маёнткі, ўсе фальваркі,
Паскідаць у жар вагранкі
Ўсіх паноў і ўсіх падпанкаў.