Старонка:Шчаслівая дарога (1935).pdf/28

Грышка глянуў — незнаёмы
Перад ім стаіць армеец.
— Скуль, хлапчук, чаго гібееш?
— Я ўцякач… Ад бацькі… Ў горад…
Хутар Ліпы… Блізка Горак…
— У-ця-кач?! Такая справа,
Што са мной ідзі ў заставу.
Я цябе ў заставе здам там,
Пагаворыш з камендантам.
І пайшлі… На ізгатоўку
Ўзяў патруль сваю вінтоўку.
Грышка звяў, стаў белы-белы,
Ўсё-ж спытаўся, хоць нясмела:
— А якая гэта справа,
Што вядзеш мяне ў заставу?