Гэта старонка не была вычытаная
Дзе вы, прошлыя заганы,
Бязвыходны енк і жаль?!
Над краінай сьветлых плянаў
Загула мартэнаў сталь!
Лёскат вывераны, сталы
Рэжа гектары ральля
І ў імпэце нябывалым
Захліпаецца зямля!
Рытмы працы ўдоўж і ўперак
Прасякаюць бег начэй:
Толькі ўперад, толькі ўперад,
Толькі ўперад — і хутчэй!
Болей сілы, болей сродкаў,
Калі цяжкасьць — ня дрыжы!
Ўсё аддай за пяцігодку
Новых фабрык і машын…
|}
