Старонка:Чорнакудрая радасьць (1925).pdf/31

Там хадзіла, там гуляла
Дзеўка малада…
…дзеўка малада,
а ў полі — вярба“…

---

Па гарах кавыля перапеў…
Ой, кавыль, ты мінулым —
Званчэй
Вей…
„Перапел, шэранькі перапел,
Ой, што-ж так сумна табе“…
Так…
— З далёкіх і сініх аколіц
Успамінаў далёкіх пабед
Шлю паклон, Беларусь, табе —
Ў пояс
І шаўковыя песьні табе.
Па гарах кавыля перапеў…
Ой, кавыль, ты мінулым —
Званчэй
Вей!
„Перапел, шэранькі перапел,
Ой, што-ж так сумна табе?“

---

Лазарэт…
Ноч шаўковая.
Месяц.
Бяздоньне.

Вецер верш кучаравіць ў грудзёх.

Ночы срэбныя звоняць ў пагоні,
Захіляе мінулыя дні…