Гэта старонка не была вычытаная
Знаем мы, ў палацах
крыецца яднаньне
майстраў провокацый,
лютасьці й выгнаньня.
Толькі дзеці працы
сёл, мястэчак, местаў
сілай дэмонстрацый
шлюць свае протэсты.
Хай гучыць нястрымна
глеба пад нагамі:
лепшы сын краіны
сёньня катаржанін.
Хай разьлёгся вужам
дрот, радзіўшы стогны.
Але не, ня здужаць
Беларусь мільёнаў.
Чую я заўсёды
чую й ня дзіўлюся —
ўзойдзе й там пагода
Савецкай Беларусі.
|}