Гэта старонка не была вычытаная
— Бедны народ і сьляпы
мае асьвету цяпер —
вынікі тэй барацьбы…
Хай-жа жыве БэСэСэР!
І пахіснуліся колёны,
І пахіснуліся галовы
у віхры воплескаў шалёным…
— Чырвонай арміі прамова.
Прамова тав. Ягорава.
— Дні ідуць, гады ідуць —
прывітаньне з Новым годам!
Усплывае многа дум
пра мінулыя паходы.
— Шмат загінула тады,
але волі — не аддалі.
Расьцьвітаюць гарады —
не дарэмна ваявалі.
Беларусі дзесяць год,
але колькі дасягненьняў!
Калі трэба — у паход
выйдзем зноў у вокамгненьне.
— Выстарчае, хопіць сіл,
мужнасьць на абліччы:
Выйдзем дружна бараніць,
калі партыя пакліча!
