Старонка:Угрунь (1927).pdf/33

МІНІСТР

О, Бэрлін! Вялікі горад!
Прывітаньне! Guten Tag!
Над асфальтавым прасторам,
як і ў нас крыляцца зоры —
ды інакшы толькі сьцяг.

Два жыцьці… На Фрыдрыхштрасса —
неўгамонны, п‘яны шквал.
За рэклямнаю прыкрасай,
гордай сілай, змрочны часам
завадзкі стаіць квартал.

Там бяда гасьцём звычайным
і на скронях кроплі сьлёз.
Там… сягоньня, хоць патайна,
творыць злучана, адчайна
для краіны лепшы лёс.

Белай плыньню хвалі Рэйна
б‘юцца злосна ў берагі.