Старонка:Творы М. Багдановіча (1927—1928). Том I.pdf/43
З пляцоўкі Вікікрыніцы
Гэта старонка не была вычытаная
30.
РОМАНС.
Не знайсьці мне спакою ні цёмнаю ноччу, ні днём,
Бо любоў мяне мучыць і паліць пякельным агнём.
Але ведама: каб, апаліўшыся, боль заглушыць, —
Трэба толькі да раны халоднай зямлі прылажыць.
Пэўна прыдзецца мне пахавацца ў сырую зямлю,
Каб уцішыць мучэньні і тую забыць, што люблю.
