|
Ліхтарняў сьвет у сіняй вышыне…
Вітрыны... мора вывесак... як плямы,
Анонсы і плякаты на сьцяне.
Кіпіць натоўп на жорсткім вулак дне!
Снуюць хлапцы, суюшчыя рэклямы…
Разношчыкі крычаць ля кожнай брамы…
Грук, гоман, гул, — усё ракой імкне.
А дальш — за радам кас, лёмбардаў, банкаў —
Агні вакзала… павадка фурманкаў…
Віры людзей… сіпяшчы паравоз…
Зялёны сэмафор… пакгауз… склады…
Заводаў коміны пад цьмой нябёс…
О, горада чароўныя прынады!
|
